對話

以下是我和cfu的對話:

 

k:      有時我覺得自己睇嘢好容易企得太開, 一件事既好同壞我都會去睇同埋採納雙方既論點, 我唔係話做人客觀d唔好, 但我有時候會問自己會唔會過份客觀, 過份中立, 太neutral, 做人對事物既睇法幾乎接近冇一個顯著既standpoint, 咁樣容易俾人感覺好弱。

cfu:  咁先強呀。

k:      然後又因為咁, 我覺得自己同呢個世界、同生活好有一種距離感, 好似呢個世界發生既事同我好有關,又同時冇乜關係。
起碼一個有standpoint既人會為佢既standpoint去fight, 
我作為一個對咩事都neutral既人, 好似冇嘢值得&需要我去fight for咁。

k:      呢個問題我諗咗好多年, 後來我有少少頓悟(唔知算唔算呢?)。
既然世界於我有呢種無爭既感覺, 只要我每日做好自己, 一生加起來既日子 就等如供獻咗世界, 後人亦會因為我努力活過呢幾千萬個日子而有得著, 生活得更好。

k:      不過有時始終都會覺得自己做人對乜嘢都好似冇乜立場咁, 好似唔係幾好, 俾人感覺性格好弱、唔突出。

cfu:   因為其他人無主見，或者好多係偏偏地嘅主見，無一個實在嘅standpoint先要去搵個standpoint去back them up，但係呢個世界所發生嘅大小事，都係千絲萬縷嘅因果組成，真真正正係無黑白之分無始無終，所以所有所為standpoint都係企唔住腳，一定有弱點。

k:      師父, 你好得呀!!!

k:      我成日懷疑自己會唔會俾人感覺好無主見, 因為次次人地argue d乜我都坐响度微微笑唔出聲聽人講。

cfu:   我地嘅諗法係好似計數咁，將件事化為最簡單，盡量去搵番(最接近)件事嘅根源，點去撥亂反正。

k:      好高喎師父。

cfu:   可以話呢個係我地嘅standpoint。

k:      但係咁喎, 我又會覺得, 根源, 咩係事件既根源? 公說公有理, 婆說婆有理,你話有雞先定蛋先? 定係又有雞又有蛋齊齊上?
所以, 我真係覺得為一件事去爭論太多係一件好無謂既事(除非為訓練思維+說話技巧), 因為根本講乜都啱, 又或者講乜都錯。

cfu: 就係呢樣野，雞先同蛋先，米即係要定黑白囉，公說公有理, 婆說婆有理，米又要定黑白囉。
我地唔係要分黑白嘛。硬分黑白梗有一面唔服。
千絲萬縷黑白交纏米係灰囉。

k:      我係黑既白既同埋全部無限既灰都要晒囉，咁一般人眼中, 咪就係無主見囉 =_=
i mean, 全部要晒, 或全部都唔要。

k:      其實我企响呢個standpoint企得好硬, 但我又唔可以要求人人雙眼都睇得見灰色, 仲要係無限咁多隻。所以有時就會造成我一開頭講既困擾/煩惱喇!

cfu:   根源就係要搵到因果，即係慢慢拆解比佢地睇整件事嘅因果交纏，好似做代數咁，你做過啲咩引起佢咁諗，佢做過啲咩另你咁諗，你做過啲咩引起佢咁諗，佢做過啲咩另你咁諗，你做過啲咩引起佢咁諗，佢做過啲咩另你咁諗，你做過啲咩引起佢咁諗，佢做過啲咩另你咁諗，你做過啲咩引起佢咁諗，佢做過啲咩另你咁諗……
可能有排拆，但係要比相方知大家都有啱有唔啱。

k:      但你唔覺得, 好多時你走去同人分析都係"sigh"氣既咩?
d人都唔明既。

cfu:   係架。

k:      一係蠢, 一係就企硬自己信果邊。

k:      所以每次如果發生一班人為一件事爭論既情況, 我十次有九次半都冇乜聲氣, 企埋一邊睇戲, 根本兩邊人數出來既point都已經講wrap up晒成件事既因由是非對錯(如果有)。

cfu:   所以就出一套叫彿學嘅哲學出黎教化世人，等佢地拗之前學適分析。

(這裡跳過一段)

k:      …有時我諗, 我鐘意詩, 都係因為詩有太多太多既可能性, 一旦詩人寫下詩, 詩本身就成為咗有生命既獨立個體, 而生下呢首詩既詩人, 亦無辦法再管呢首詩點樣去喺讀者面前表現自己。

cfu:   詩又唔同嘅。你只要講你嘅感覺。

k:      詩唔係淨係得抒情詩。詩本身可以係冇意思, 完全純粹玩弄文字。

cfu:   其他人或有其他感覺。

k:      其實同一個人對一件事件既看法係一樣。所有嘢都不過係視乎你點睇。其實或者根本果樣嘢本身就無意思。

cfu:  呢樣真係要主觀，無得客觀。

k:      本來無一物。我覺得世界上好多嘢其實爭黎都無謂, 將所有事物還原到根本, 或者其實所有事物本都冇一個「意思」的, 只係單純地存在; 正如人, 人本身並無帶住一個名字出生, 但偏偏人人都有個名字, 都係別人加於佢身上的。

cfu:   一念都係多。

k:      於是乎後來我就開始冇再諗點解人要生存了, 總之我就係單純地存在著, 吹咩? 又, 既然都係度, 不如做點自己高興的, 亦建設下個世界。

cfu:   要人人活得開心嘅世界。其實你係啱，路線正確。
但。並唔係咩都無所為。   (ß cfu咁講係有特別原因, 這裡不詳加說明)

k:      我覺得呢個「單純地存在著」係有所為架。但係死咗就唔會知有咩所為, 因為已經唔係「單純地存在著」。

k:      (你明唔明我up乜??)

(又跳過一小段)

k:      我又唔恨睇透喎, 睇得透又唔好玩, 可能睇透到時就會圓寂（！）
我又歡喜有時扮下憂鬱扮下感傷, 痛苦之中又有一番甘味。(好變態!)

cfu:   我覺得可能睇透會好快樂呢。 

cfu:   為得到有所為嘅野而快落，又唔會為得唔到或失去而悲傷，全贏嘅局面。
所有野都有意義有所為，亦無所為，因此唔好太執著佢嘅所為...明唔明。
為追求所有所為嘅野而生存，努力，但求不得亦唔好執著而苦自己，就係呢個境界。

大概講到這裡, 我們就沒頭沒腦的扯到其他話題去了。這段對話本來只屬個人珍藏, 不打算在blog上公開, 但後來又忍不住, 想公諸同好, 又想知別人在這方法有什麼想法, 於是, 齊理一下, 放上來了。

Start a New Year in Macau Every New Year (2009) [AE-1]

有人說, 似60年代那種手繪的海報(！)...你說呢?

(我: 沾沾自喜中)

Start a New Year in Macau Every New Year (2009) [XA, Roll #001(B/W)]

謝謝你 送我這部心儀已久的好機。

閒裡偷閒.




牛房倉庫

回家了...

送你...

你的眼睛

這, 就是你眼中的我......

好美。

"Can I Do Your Friend?" [笑話一則]

　　這幾年來，由Friendster到今日的面書，除了見證著人際網絡的強大可能性外，亦見證了這年頭男女相識交往比起昔日是何等易事。此話怎說？很簡單，面書上總有一批男女（男的尤其）Friends List上有三五七百甚至成千個朋友，豈非不可思矣麼？本人一向對"收集朋友"此舉甚為不洩，好此道之男女是否認為Friend List上有幾百幾千個朋友好威呢？我甚至覺得，要是被朋友發現自己Friend List上有那麼多「朋友」，而且佔九成是異性 --- 好樣衰囉！Anyway，今日想講的不是"收集朋友"呢件事有幾樣衰，而是我對面那些「收集朋友」的花蝴蝶花蜜蜂（好想稱他們為"Friends Collector"）時，遇到的小事一則。

　　話說，好幾個月前，也不是第一次了，面書上傳來一位陌生男子的訊息。記憶中他頭一句是禮貌性的"Hi"、"How are you"之類的，好像也搭了兩句讚美的說話，又問我是不是愛好攝影之類的。我也基於禮貌（主因其實係太得閒兼屎忽痕）回句"I'm doing fine, thanks." 又順便問句"Do I know you?" 諸如此類。相信不少面書上的女性都收過這類陌生人想要交朋友的訊息，沒什麼稀奇。沒想到，那位仁兄接下來一句便是問：

　　Can I do your friend?

　　本人登時目結語塞！記得那天我心情不大好，看了這位仁兄這句話，我登場在家火冒三丈咆哮起來，即時給大致上這樣的回覆予這位仁兄：

　　What do you mean? I'm sure that you and I are not familiar with each other. I don't think it's appropriate to say such thing to someone you hardly know.

　　當然，仁兄不明所以，傳來三個問號。

　　Well, I think, if you wanna make frds here with me or with anyone else, you'd better check your English. If you don't know what you're saying, better consult a dictionary, or at least ask a friend who knows English well enough. See what you've just said to me. I think this is totally impolite and insulting.

　　仁兄沒有回覆，當下燥底又好想鬧人的我又道：

　　I don't think I can be friends with you. AND, I don't think you can "do" my friend. I'm very sorry. Next time, try to learn some better English, or simply learn any Chinese input method.

　　當天晚上，見到姐姐回家我便即時告訴她此事。姐姐聽後當然是笑翻天，但她也笑著說：

　　 「妹你做人唔使咁MEAN呀嘛？哈哈哈哈哈哈。」

　　我認為自己平日做人一啲都唔MEAN，於是我說：

　　 「笑乜鬼，真係好q慶喎！算佢唔好彩！老娘今日心情唔好！平時的話我最多唔覆佢唔 理佢唧，呢啲咁既人...比 著平時我好人好姐，同佢講多句都嫌浪費時間...字都唔識多隻學人 四圍識女仔！佢遇著心情 唔好嘅我，算佢唔好彩！依家老娘肯長篇大論鬧佢，塞錢落佢袋 咋！學精啲先啦！」我邊罵，姐姐邊聽邊笑到飆眼水。

　　不要告訴我，你不知此仁兄講錯什麼得罪我！說實在，港人英語水平差也非你同我今時今日才知道的事實，作為港人在香港生活了幾廿年都只好隻眼開隻眼閉，若非如此都幾難交到朋友。我一直認為自己的英語水平只界乎中上，說不上上佳，無論身邊的朋友平日怎樣把我看成是她們的英文之神都好，我都默默在心裡認定自己的英語水平只好算不過不失，算係夠用。朋友英語水平比我差其實我一點不介意，朋友用Chinglish我亦毫不在乎，我自己平日MSN/Text都甚為推崇使用Chinglish及中英夾雜 --- 夠親切丫嘛！但，使我不明所以的是，香港一直推行九年強制性教育，英文科人人必讀，但係，A-Z你以為人人識順序背唱？錯！又，"I am..."、"You are..."、"We are..."等等，無可能錯掛？但偏偏就係有人死都要用"You is..."。好，算，Chinglish、錯Grammar、串錯字...這些通通都可以原諒可以不理丫，做人又的確用不著做到咁MEAN；最令人費解的是，點解可以連"Chinglish"的水平都欠奉？有些人就是要硬生生用一堆英文字湊拼出一堆「疑似英文」同你MSN/Text你/Send email --- 唔．明．囉！絕無誇張，呢種「疑似英文」，即使我用Chinglish方式解讀，都仍然無法Make sense out of it！我就試過因為遇到這樣的外星語言，差點活生生給氣死，沒多久我也再沒有聯絡那位朋友（而且不是網路上的朋友，是現實中的朋友啊！原來我有時都真係可以好MEAN!）。FINE，或者要人人學好英文是有點強人所難，但既然英文不好，為什麼不乾脆打中文？中文輸入法有那麼難學嗎？

　　Anyway，公平一點，給我發出"Can I do your friend?"訊息那位仁兄，他犯的錯誤其實又不至於到達「疑似英文」那種要人頭落地的地部，此人罪不致死，他頂多都不過是用錯一句最不該錯的Chinglish；我認我給他的回話確實稍為狠了一點 --- 算罷啦，有時候間中做下烈女向人噴下火或者是一件好事，我有機會發洩之餘，被我狠批的人又有機會被指正一下（都不失為一個學習機會丫！），都算WIN-WIN掛？！

重生

最近實在忙得不可開交, 但我感到內心一種愉悅在昇華, 我感到我的生命的意義在驅進著, 我感到一種全新的美, 漸漸在我的生命中浮現, 愈是忙她愈是浮得上面, 她愈是實在的存在著。

我重生了,

那個她、那個我,
正在以一個全新的 美麗的 姿態
走出來,
站在人生的舞台上,

鮮活的,
有呼吸的,
有深度的,
有層次的,

存活著。


(只是, 我實在沒有時間好好的把文章都寫好放在這裡。請見諒。)

Dictionaries Mania (Con't [i])

（承9月27日"Dictionary Mania"）

　　要論字典用家/收藏者的實際需要，又何止上述之「基本四部曲」。很多人有這個誤解：以為譯者腦海中的雙語詞彙豐富非常，甚至將譯者誤作「活字典」，語音輸入即可查出字義等。無疑，作為一個譯者，他腦部記憶體所載的詞彙數量及對其了解和用法大慨比一般不讀語言、甚至有一定語文程度的人要多一點。但實情是，這個「多一點」卻是可渲可點。我想指出的是，譯者並不如大家想像中那本「活字典」那麼「活」。人腦不同電腦，即使一個人的知識有多豐富，他也不可能隨時隨地就能從腦袋中抽取出需要的資料，所以我們都需要一些工具幫助學習和記憶，而譯者的工具就是字典，也正因如此，我們稱字典為「工具書」。上面已討論過兩大類必用的字典，還有哪些字典是我們非具備不可的呢？
　　翻譯要達到一定水準/質素，有一種字典類別非用上不可－－同義詞詞典（Thesaurus）和反義詞詞典（Dictionary of Antonyms）。可是，既然雙語字典已經提供了一個詞在另一語言的相對詞彙，為什麼還需要用到同義詞詞典，為自己徒添選字上的煩惱呢？此言差矣。原則上，同義詞詞典最基本的功能，正是給用家提供更多詞彙上的選擇：其一、則可讓用家在撰寫文章的時候，在造詞上有更廣泛和靈活的選擇和變化，令形容更鮮活貼切多變、動作描述更精準，像英語中"go"（去/走)一詞，也有幾十個近義而且比它更細緻的詞彙，比如說怎麼「去/走」呢？是偷偷摸摸地走（sneak）？是爬（crawl）？還是逃走（flee）？用詞精煉的好處顯而易見，無須在此多作解釋；其二、則引申到上述「人腦不同電腦」的討論－－你我都曾經遇過「執筆忘字」這惱人的狀況，作家和譯者亦無幸免，而每當遇到這種狀況，同義詞詞典便大派用場－－只要用家心目中有一個與目標字詞同義或近義的詞，透過同義詞詞典的協助，便有相當大機會可喚醒用家對心目中那個詞的記憶，甚至能得到意外收穫：直接找到更佳的詞彙/表達方法，那矣非更妙？至於其三、亦是最為重要的一點，就是使用同義詞詞典可啟發作家和譯者的思維（或是使用反義詞詞典可啟發逆向思維）－－此話何解？有時，用家在尋求同義詞詞典的協助時，未必能從詞典裡所提供的幾十個近義詞中得到最合心意的詞彙，卻得以從那幾十個提議中找到一些提示，而這些提示可能只是某一個詞的一部份（如prefix、suffix等），也有可能是因為看見白字黑紙上某個詞、令他聯想到另一個表達方法，甚至有可能是一個他不懂的詞，但透過查看生字，又會如同抽絲剝繭般，發現到更多更多的可能性－－
　　這，便是讀字典的趣味之一。
　　字典的種類太多，每一種都因它的實用性而有它的趣味所在，我不打算（也沒可能）在這裡一一細數。但容許我再介紹一種字典：圖解(大)詞典。
　　從前，以為圖解詞典專為學童而設，像小時候「看圖識字」般，不懂得「直昇機」的英文，翻開圖解詞典便會得到"Helicopter"。可是，後來我才知道這個想法錯得極度離譜，更侮辱了創造圖解詞典的祖先！當然，也有那種「看圖識字」級的圖解詞典，但說到真正犀利的，莫過於專為一個行業而設的圖解字典，我相信那是圖解詞典中的皇者！但，首先要說明圖解字典基本上包含甚麼內容。
　　我得說，基本級數的圖解詞典已算頗為厲害。總的來說，圖解詞典的內容就生活各個主要層面分開幾個大主題（如「衣」、「食」、「住」、「行」等），各大主題下又會分幾個小主題（如「衣服」之下可分為「衫」、「褲」、「鞋」、「袋」等），小主題下再分幾個類別（如「衫」之下可分為「女裝」、「男裝」等），如此類推。以「女裝」為例，裡面大慨可找到女裝襯衫、連身裙、裙子等上上下下幾十種女士服裝及配飾的圖解；除了每一種女裝都有仔細分開命名外，每一件女裝上的每一個配件、各個部位、縫紉接合位置等，都有它們自己的名稱－－"Cuff"、"Sleeve"、"Collar"小學生都識，但誰知道一件恤衫前面那排鈕扣下的那行縫布叫做"Front placket"、袖口鈕上方那一圈縫布叫做"Sleeve placket"？誰知道一頂帽子蓋著頭部那個位置叫做"Crown"、Crown的頂端叫"Crown tip"而其旁邊位置叫做"Side Band"？誰又知道手袋都有分十多種、而每個手袋上不同的扣子都有不同的名字？又以「房屋」為例，一間洋房的結構除了門窗地板天花牆壁牆角棟樑屋頂屋簷之外，還有很多「獨立部門」，單是不同位置的門窗，已有它們專屬的名稱，例如置在屋頂那扇小窗叫做"Fanlight"；熨門(滑門)叫"Sliding doors"之餘又有分"French"、"Patio"（款式）；窗框叫做"Window frame"又叫做"sash"、但"Sash window"是指可上下拉動的窗......等等。這種資料對譯者要追求「達」的原則來說尤其重要，唯書到用時方恨少，有了圖解詞典，要查翻此類刁鑽的名詞便手到拿來。
　　圖解詞典分很多種，有單語的、雙語的、多國語言的，有一本解說幾種物品類別的，也有一本只解說一種物類的。而圖解詞典的厲害之處，在於那些專為一門而設的專用圖解詞典。只要登上amazon.com搜尋"Visual Dictionary"，即可找到幾百種專用圖解詞典，像人體的、動物的、鳥類的、科學的、植物的、時裝的、汽車的、軍事的、室內設計的、建築的、音樂的、手語的......信不信由你－－就連Star Wars的圖解詞典都有！它們通通都只為一個類別的東西提供該類別以內細分的名詞；教授B有一本屬園藝工具的圖解詞典，竟有兩寸半厚！隨手翻開，只現裡面全是密密麻麻黑字白紙，圖畫都是黑白線的繪本，而書中有好幾十頁都只介紹「槌子」－－天哪！槌子不就是槌子嗎？Hammer不就是Hammer嗎？還分幾百種槌子呢！而且每種槌子的每個部位都有它們自己的名字！看了都快要昏倒，真難想像這種工具書的編輯們何以懂得這些.....．
　　看罷，讀字典教我看到世界上真的無奇不有，千百萬樣事物千奇百怪日新月異，多麼有趣，只怪我們都懂得太少。
　　因為用字典，所以愛上字典。

（待續）