訪問小丁

From U Magazine, Issue 168, Book B - "LIFE".







跟他們討論，提到話單嘢變成新聞係「因為香港人大驚小怪/視線思想窄」，其實又不盡是 ------ 或者記者們/編輯們都係覺得件事有趣 (話晒香港唔係日日有人除晒衫POST自己出黎嘅！)，咁佢地覺得可以拎出來討論下，加上有警方介入，故事尚算有可讀性。假假地都做過報紙記者，都知道某D報紙的取向，走Tabloids路線，都係講下呢D咁啦。

想認識小丁多一點，請看她的BLOG。

財神，HOHOHO

兩篇文「Dictionary Mania (Con't[ii])」和「關於詩和詩的翻譯 (續)」遲遲未寫好，還有SDk日記也寫到一半，兼且有勁多新事想加進去，怎麼辦？但這些都要在我精神好的時候才可一鼓作氣完成......初二發燒到今日初五才好轉呢。SD，我也想念妳。

今早cfu來接我一起上班，我們分道揚標後，cfu在途中見到聖誕老人(！)。農曆新年都快過了耶。

電話中---
cfu：我見到聖誕老人。
k：(嚇)！
cfu：佢會唔會有少少誤會咗？
k：佢可能拎咗套財神裝去乾洗未攞得。頂住先。
cfu：哦......！係啦呵，差唔多唧。
k：又會差唔多嘅......
cfu：西方神財丫嘛。
k：喂，人地西方送ｄ嘢唔同架喎。
cfu：唔係丫，都係送禮唧。不過我地果個鐘意折現。
k：......又係喎。

笑死我。

對話

以下是我和cfu的對話:

 

k:      有時我覺得自己睇嘢好容易企得太開, 一件事既好同壞我都會去睇同埋採納雙方既論點, 我唔係話做人客觀d唔好, 但我有時候會問自己會唔會過份客觀, 過份中立, 太neutral, 做人對事物既睇法幾乎接近冇一個顯著既standpoint, 咁樣容易俾人感覺好弱。

cfu:  咁先強呀。

k:      然後又因為咁, 我覺得自己同呢個世界、同生活好有一種距離感, 好似呢個世界發生既事同我好有關,又同時冇乜關係。
起碼一個有standpoint既人會為佢既standpoint去fight, 
我作為一個對咩事都neutral既人, 好似冇嘢值得&需要我去fight for咁。

k:      呢個問題我諗咗好多年, 後來我有少少頓悟(唔知算唔算呢?)。
既然世界於我有呢種無爭既感覺, 只要我每日做好自己, 一生加起來既日子 就等如供獻咗世界, 後人亦會因為我努力活過呢幾千萬個日子而有得著, 生活得更好。

k:      不過有時始終都會覺得自己做人對乜嘢都好似冇乜立場咁, 好似唔係幾好, 俾人感覺性格好弱、唔突出。

cfu:   因為其他人無主見，或者好多係偏偏地嘅主見，無一個實在嘅standpoint先要去搵個standpoint去back them up，但係呢個世界所發生嘅大小事，都係千絲萬縷嘅因果組成，真真正正係無黑白之分無始無終，所以所有所為standpoint都係企唔住腳，一定有弱點。

k:      師父, 你好得呀!!!

k:      我成日懷疑自己會唔會俾人感覺好無主見, 因為次次人地argue d乜我都坐响度微微笑唔出聲聽人講。

cfu:   我地嘅諗法係好似計數咁，將件事化為最簡單，盡量去搵番(最接近)件事嘅根源，點去撥亂反正。

k:      好高喎師父。

cfu:   可以話呢個係我地嘅standpoint。

k:      但係咁喎, 我又會覺得, 根源, 咩係事件既根源? 公說公有理, 婆說婆有理,你話有雞先定蛋先? 定係又有雞又有蛋齊齊上?
所以, 我真係覺得為一件事去爭論太多係一件好無謂既事(除非為訓練思維+說話技巧), 因為根本講乜都啱, 又或者講乜都錯。

cfu: 就係呢樣野，雞先同蛋先，米即係要定黑白囉，公說公有理, 婆說婆有理，米又要定黑白囉。
我地唔係要分黑白嘛。硬分黑白梗有一面唔服。
千絲萬縷黑白交纏米係灰囉。

k:      我係黑既白既同埋全部無限既灰都要晒囉，咁一般人眼中, 咪就係無主見囉 =_=
i mean, 全部要晒, 或全部都唔要。

k:      其實我企响呢個standpoint企得好硬, 但我又唔可以要求人人雙眼都睇得見灰色, 仲要係無限咁多隻。所以有時就會造成我一開頭講既困擾/煩惱喇!

cfu:   根源就係要搵到因果，即係慢慢拆解比佢地睇整件事嘅因果交纏，好似做代數咁，你做過啲咩引起佢咁諗，佢做過啲咩另你咁諗，你做過啲咩引起佢咁諗，佢做過啲咩另你咁諗，你做過啲咩引起佢咁諗，佢做過啲咩另你咁諗，你做過啲咩引起佢咁諗，佢做過啲咩另你咁諗，你做過啲咩引起佢咁諗，佢做過啲咩另你咁諗……
可能有排拆，但係要比相方知大家都有啱有唔啱。

k:      但你唔覺得, 好多時你走去同人分析都係"sigh"氣既咩?
d人都唔明既。

cfu:   係架。

k:      一係蠢, 一係就企硬自己信果邊。

k:      所以每次如果發生一班人為一件事爭論既情況, 我十次有九次半都冇乜聲氣, 企埋一邊睇戲, 根本兩邊人數出來既point都已經講wrap up晒成件事既因由是非對錯(如果有)。

cfu:   所以就出一套叫彿學嘅哲學出黎教化世人，等佢地拗之前學適分析。

(這裡跳過一段)

k:      …有時我諗, 我鐘意詩, 都係因為詩有太多太多既可能性, 一旦詩人寫下詩, 詩本身就成為咗有生命既獨立個體, 而生下呢首詩既詩人, 亦無辦法再管呢首詩點樣去喺讀者面前表現自己。

cfu:   詩又唔同嘅。你只要講你嘅感覺。

k:      詩唔係淨係得抒情詩。詩本身可以係冇意思, 完全純粹玩弄文字。

cfu:   其他人或有其他感覺。

k:      其實同一個人對一件事件既看法係一樣。所有嘢都不過係視乎你點睇。其實或者根本果樣嘢本身就無意思。

cfu:  呢樣真係要主觀，無得客觀。

k:      本來無一物。我覺得世界上好多嘢其實爭黎都無謂, 將所有事物還原到根本, 或者其實所有事物本都冇一個「意思」的, 只係單純地存在; 正如人, 人本身並無帶住一個名字出生, 但偏偏人人都有個名字, 都係別人加於佢身上的。

cfu:   一念都係多。

k:      於是乎後來我就開始冇再諗點解人要生存了, 總之我就係單純地存在著, 吹咩? 又, 既然都係度, 不如做點自己高興的, 亦建設下個世界。

cfu:   要人人活得開心嘅世界。其實你係啱，路線正確。
但。並唔係咩都無所為。   (ß cfu咁講係有特別原因, 這裡不詳加說明)

k:      我覺得呢個「單純地存在著」係有所為架。但係死咗就唔會知有咩所為, 因為已經唔係「單純地存在著」。

k:      (你明唔明我up乜??)

(又跳過一小段)

k:      我又唔恨睇透喎, 睇得透又唔好玩, 可能睇透到時就會圓寂（！）
我又歡喜有時扮下憂鬱扮下感傷, 痛苦之中又有一番甘味。(好變態!)

cfu:   我覺得可能睇透會好快樂呢。 

cfu:   為得到有所為嘅野而快落，又唔會為得唔到或失去而悲傷，全贏嘅局面。
所有野都有意義有所為，亦無所為，因此唔好太執著佢嘅所為...明唔明。
為追求所有所為嘅野而生存，努力，但求不得亦唔好執著而苦自己，就係呢個境界。

大概講到這裡, 我們就沒頭沒腦的扯到其他話題去了。這段對話本來只屬個人珍藏, 不打算在blog上公開, 但後來又忍不住, 想公諸同好, 又想知別人在這方法有什麼想法, 於是, 齊理一下, 放上來了。

"Can I Do Your Friend?" [笑話一則]

　　這幾年來，由Friendster到今日的面書，除了見證著人際網絡的強大可能性外，亦見證了這年頭男女相識交往比起昔日是何等易事。此話怎說？很簡單，面書上總有一批男女（男的尤其）Friends List上有三五七百甚至成千個朋友，豈非不可思矣麼？本人一向對"收集朋友"此舉甚為不洩，好此道之男女是否認為Friend List上有幾百幾千個朋友好威呢？我甚至覺得，要是被朋友發現自己Friend List上有那麼多「朋友」，而且佔九成是異性 --- 好樣衰囉！Anyway，今日想講的不是"收集朋友"呢件事有幾樣衰，而是我對面那些「收集朋友」的花蝴蝶花蜜蜂（好想稱他們為"Friends Collector"）時，遇到的小事一則。

　　話說，好幾個月前，也不是第一次了，面書上傳來一位陌生男子的訊息。記憶中他頭一句是禮貌性的"Hi"、"How are you"之類的，好像也搭了兩句讚美的說話，又問我是不是愛好攝影之類的。我也基於禮貌（主因其實係太得閒兼屎忽痕）回句"I'm doing fine, thanks." 又順便問句"Do I know you?" 諸如此類。相信不少面書上的女性都收過這類陌生人想要交朋友的訊息，沒什麼稀奇。沒想到，那位仁兄接下來一句便是問：

　　Can I do your friend?

　　本人登時目結語塞！記得那天我心情不大好，看了這位仁兄這句話，我登場在家火冒三丈咆哮起來，即時給大致上這樣的回覆予這位仁兄：

　　What do you mean? I'm sure that you and I are not familiar with each other. I don't think it's appropriate to say such thing to someone you hardly know.

　　當然，仁兄不明所以，傳來三個問號。

　　Well, I think, if you wanna make frds here with me or with anyone else, you'd better check your English. If you don't know what you're saying, better consult a dictionary, or at least ask a friend who knows English well enough. See what you've just said to me. I think this is totally impolite and insulting.

　　仁兄沒有回覆，當下燥底又好想鬧人的我又道：

　　I don't think I can be friends with you. AND, I don't think you can "do" my friend. I'm very sorry. Next time, try to learn some better English, or simply learn any Chinese input method.

　　當天晚上，見到姐姐回家我便即時告訴她此事。姐姐聽後當然是笑翻天，但她也笑著說：

　　 「妹你做人唔使咁MEAN呀嘛？哈哈哈哈哈哈。」

　　我認為自己平日做人一啲都唔MEAN，於是我說：

　　 「笑乜鬼，真係好q慶喎！算佢唔好彩！老娘今日心情唔好！平時的話我最多唔覆佢唔 理佢唧，呢啲咁既人...比 著平時我好人好姐，同佢講多句都嫌浪費時間...字都唔識多隻學人 四圍識女仔！佢遇著心情 唔好嘅我，算佢唔好彩！依家老娘肯長篇大論鬧佢，塞錢落佢袋 咋！學精啲先啦！」我邊罵，姐姐邊聽邊笑到飆眼水。

　　不要告訴我，你不知此仁兄講錯什麼得罪我！說實在，港人英語水平差也非你同我今時今日才知道的事實，作為港人在香港生活了幾廿年都只好隻眼開隻眼閉，若非如此都幾難交到朋友。我一直認為自己的英語水平只界乎中上，說不上上佳，無論身邊的朋友平日怎樣把我看成是她們的英文之神都好，我都默默在心裡認定自己的英語水平只好算不過不失，算係夠用。朋友英語水平比我差其實我一點不介意，朋友用Chinglish我亦毫不在乎，我自己平日MSN/Text都甚為推崇使用Chinglish及中英夾雜 --- 夠親切丫嘛！但，使我不明所以的是，香港一直推行九年強制性教育，英文科人人必讀，但係，A-Z你以為人人識順序背唱？錯！又，"I am..."、"You are..."、"We are..."等等，無可能錯掛？但偏偏就係有人死都要用"You is..."。好，算，Chinglish、錯Grammar、串錯字...這些通通都可以原諒可以不理丫，做人又的確用不著做到咁MEAN；最令人費解的是，點解可以連"Chinglish"的水平都欠奉？有些人就是要硬生生用一堆英文字湊拼出一堆「疑似英文」同你MSN/Text你/Send email --- 唔．明．囉！絕無誇張，呢種「疑似英文」，即使我用Chinglish方式解讀，都仍然無法Make sense out of it！我就試過因為遇到這樣的外星語言，差點活生生給氣死，沒多久我也再沒有聯絡那位朋友（而且不是網路上的朋友，是現實中的朋友啊！原來我有時都真係可以好MEAN!）。FINE，或者要人人學好英文是有點強人所難，但既然英文不好，為什麼不乾脆打中文？中文輸入法有那麼難學嗎？

　　Anyway，公平一點，給我發出"Can I do your friend?"訊息那位仁兄，他犯的錯誤其實又不至於到達「疑似英文」那種要人頭落地的地部，此人罪不致死，他頂多都不過是用錯一句最不該錯的Chinglish；我認我給他的回話確實稍為狠了一點 --- 算罷啦，有時候間中做下烈女向人噴下火或者是一件好事，我有機會發洩之餘，被我狠批的人又有機會被指正一下（都不失為一個學習機會丫！），都算WIN-WIN掛？！

Médecins Sans Frontières (MSF)

I've just submitted an application to MSF to be a volunteer in the HK office, signed in for voluntary work on translation, writing, etc. on Saturdays and Sundays.

For office volunteers, they have work concerning outdoor fundraising activities, E/C translation or other lauguages, office work, fix-it jobs, public relations, writing and accounting. You can pick your specialty from any of these jobs, or simply indicate that you're willing to try anything.

Though unlike the frontline members (such as the doctors and nurses) who receive most attention and compliments from their work which is directly connected to the frontiermen in need, please know that every contribution you make DOES mean a lot.

Please join me if you're interested. Tell me by phone/txt msg/email/msn.

For more information, please visit their website(HK):
http://www.msf.org.hk/